खम्मा घणी सा हुक्म, दीपावली भारतीय संस्कृति रो प्रमुख त्यौहार जो आपा सब घर परिवार समुदाय रे बीच मनावण री खास परम्परा रही है। इन्हे इण साल मनावण खातिर कोरोना से बढ़ते संक्रमण री वजह सूं उत्सव-शैली में बदलाव जरूरी है ताकि यो लगाव और आदर,प्यार आगे भी बरकरार रेहवे।
कोरोना काल मे पूजा घर पर ही करण री प्राथमिकता देवें। सम्भव हो तो पंडित आदि ने बुलाया बिना इण बार खुद पंडित बण जाओ। पंडित जगह-जगह पूजा करावतो कोरोनो भी साथे ला सके। सावचेती भली हुक्म। गर्भवती और बच्चों ने तो खास तौर पर भीड़ वाली जगह सूं बचणों चईजे।
मिठाइयों और पकवानों में बाहर री बणी वस्तुओं पर निर्भर रेह्वनो ठीक नहीं…सम्भव हो घरे ही बनावें क्योंकि बाहर सूं बनण वाळी मिठाई पता नहीं किन-किन लोगा रे हाथों सूं निकल ने आवें… एड़ा में संक्रमण रो खतरों और बढ़ जावें।
इण बार खाजा, हाँकडी, फाफडी, खजूर, दहीबड़ा, मीठा खाजा, गाल री सेवा बणा ने मूल वतन मारवाड़ री याद ताजा करो हुक्म। त्यौहार रो रंग भंग न हूँ जावे इण वास्ते जरूरी है छोटा-छोटा उपाय ने पुरों ध्यान राखणों जरूरी है।
इण बार हुक्म बच्चों रे साथे सगळा ने पटाखों सूं दूर रेह्वनो या ही सलाह सब प्रतिष्टित डॉक्टर दे रिया है कि कोरोना सबसूं ज्यादा फेफड़ों पर असर डाल रियों है। पटाखों रो शोर और धुओं आपाणी सांसो और फेफड़ों ने प्रभावित कर सकें।
इण वास्तें खुद रे साथे घर परिवार और समुदाय ने सुरक्षित राखण वास्ते पटाखों सूं दूर रहवों। देश मे व्यवसायिक अवसाद चले कोई विदेशी चीज़ मत ख़रीदजो हुक्म। देश रे भाई बन्धु रो माल बिकी, वे आगे बढ़ी तो घर रो पैसों घर मे रेई हुक्म।
हुक्म इण बीमारी री वजह सूं कई परिवार पलायन कर गया और कई परिवार आपाणे कने भी आया हुवेला…मदद रे वास्ते..तो कोशिश करा यदि कोई परिवार अपने आसपास दिखे तो यथा संभव विनी मदद करा ताकि वो परिवार भी दिवाली रो आंनद ले सके हुक्म कीन्हेहि दियोडी आत्मीय खुशी आपाणे त्यौहार री खूशी कई गुना खुशियां सूं भर देवेला। आपणे तो तुलसी बाबा केयो भी है – पर हित सरिस धर्म नहीं भाई।
हुक्म एक बात और.. आप सबसूं विनती है इण बार दीपावली ने खूब शुद्ध घी रा दीपक ,कपूर,सरसों रो तेल कोई भी जलाने माँ लक्ष्मी सूं विश्व री मंगलकामना करा.. हे माँ जल्द सूं जल्द इण कोरोना बीमारी सूं मुक्ति दिलावों कोरोना बीमारी सूं फेलयोडो रोग सूं विश्व मे अंधकार मिटे और उजाले री नई खुशियां और सुख समृद्धि चारों और हुवे ।।
एक बार फिर हुक्म आप सगळा ने दीपावली री ह्रदय मन सूं मोकळी बधाई ।
